價格：免費
更新日期：2019-07-12
檔案大小：17M
目前版本：1.0
版本需求：Android 4.1 以上版本
官方網站：https://www.facebook.com/kliton.lila
Email：kliton.lila@gmail.com
聯絡地址：RRUGA Fan Noli 340 , Tirana , CAP 1001
Mburoja e muslimanit
Titulli në origjinal:
حصن المسلم
Autor:
Seid el Kahtani
Përktheu:
Azem Bardhoshi
Redaktor fetar:
Ismail Bardhoshi
Redaktor gjuhësor:
Ilir E. Haxhiaj
Përgatitja kompjuterike dhe transkriptimi:
Jusuf Kastrati
FJALA E REDAKTORIT FETAR
Lavdia i takon Allahut, Zotit të botëve. Lavdërimi dhe paqja
qofshin për Muhamedin, familjen, shokët e tij dhe të gjithë ata
që ndjekin rrugën e tij deri në Ditën e Gjykimit.
Me qëllim që përkthimi dhe shpjegimi i lutjeve dhe dhikrit të
jetë cilësor, kemi shfrytëzuar rregullisht librat e tefsirit, të
shpjegimit të hadithit, të garib-it dhe fjalorët e nevojshëm.
Në përkthimin e ajeteve u jemi referuar edhe përkthimeve në
shqip të Kuranit të madhërishëm.
Rrallëherë kemi përfituar dhe prej ndonjë libri të përkthyer në
shqip.
Poshtëshënimet a pjesët e tyre që janë midis kllapave katrore
[ ] janë të redaktorit fetar, kurse të tjerat janë të autorit.
Shpeshherë në poshtëshënimet e autorit ku përmenden burimet
e hadithit janë bërë dhe shkurtime, të cilat mendojmë se nuk
kanë ndonjë interes të madh për lexuesin shqiptar.
Në fund, e lusim Allahun që ta bëjë të dobishme këtë punë!
HYRJA E AUTORIT
Lavdia i takon Allahut, Atij i bëjmë lavdi, Atij i kërkojmë ndihmë dhe
falje. I mbështetemi Allahut të na mbrojë prej të këqijave të vetes
sonë dhe të këqijave të veprave tona. Atë që e udhëzon Allahu, nuk
ka kush e humb, dhe atë që e humb, nuk ka kush që ta udhëzojë.
Dëshmoj se nuk ka të adhuruar me meritë përveç Allahut! I Vetëm
është Allahu dhe pa shok. Dëshmoj se Muhamedi është rob i Tij dhe i
Dërguari i Tij. Salavati (Lavdërimi) i Allahut qoftë mbi Muhamedin,
familjen, shokët e tij dhe të gjithë ata që ndjekin rrugën e tyre me
përsosuri në besim e në vepra, deri në Ditën e Gjykimit. Mbi ta
qofshin edhe selamet e shumta.
Libërthi që keni në dorë është një variant i shkurtuar i librit tjetër
me titull “Dhikri, duatë dhe mjekimet me rukjet e Kuranit dhe të
Sunetit”, ku kam përmbledhur vetëm pjesën e dhikrit, me qëllim që
të jetë një doracak më praktik.
Këtu kam përmendur vetëm formulën e dhikrit, e po ashtu e kam
parë të mjaftueshme të përmend vetëm një ose dy nga burimet e
hadithit, të cilat janë shënuar tek varianti më i zgjeruar i librit. Kush
dëshiron të njohë sahabiun që transmeton hadithin, si dhe më
shumë hollësira mbi burimet origjinale të hadithit, le t’i referohet
origjinalit të këtij libri.
E lus Allahun e Lartmadhërishëm, me emrat e Tij të bukur dhe
cilësitë e Tij të larta, që ta bëjë këtë punim të sinqertë për Të, ta bëjë
të dobishëm për mua në jetën e kësaj bote dhe pas vdekjes, por
edhe për këdo tjetër që e lexon ose e boton, ose bëhet shkak për
shpërndarjen e tij, sepse Allahu i Lartësuar ka fuqi për t’i bërë këto.
Salavatet dhe selami i Allahut qofshin për Pejgamberin tonë,
Muhamedin, familjen, shokët e tij dhe të gjithë ata që ndjekin udhën
e tyre me përsosuri në besim e në vepra deri në Ditën e Gjykimit
Privacy
https://kurani-shqip.flycricket.io/privacy.html
Mail kliton.lila@gmail.com
Facebook https://www.facebook.com/kliton.lila
